Uchaguzi London: Wandani wa DP wapiga kambi Nakuru kusaka kura za UDA

- Joto la kisiasa limewaka katika uchaguzi mdogo wa wadi ya London huku Jubilee na UDA zikikabiliana vikali - Wandani wa DP Ruto wameteta kuwa polisi wanatumika kuhangaisha wafuasi wao huku wakipigia debe mgombea wa Jubilee

- Joto la kisiasa limewaka katika uchaguzi mdogo wa wadi ya London huku Jubilee na UDA zikikabiliana vikali

- Wandani wa DP Ruto wameteta kuwa polisi wanatumika kuhangaisha wafuasi wao huku wakipigia debe mgombea wa Jubilee

- Wanamtandao walisema joto la kisiasa liko juu sana katika wadi hiyo unaweza kufikiri ni uchaguzi wa urais unaendelea

- Kufikia Machi 4 usiku mbivu na mbichi zitakuwa zimejulikana

Uchaguzi mdogo kanti ya Nakuru katika wadi ya London umegeuka vita vikubwa vya kisiasa kati ya mrengo wa Jubilee na ule wa Tangatanga.

Ni uchaguzi ambao umezua joto la kisiasa kiasi kwamba vigogo wa kisiasa wamesafiri kutoka Nairobi kusaka kura kwa mrengo wao.

Kivumbi ni kati ya mrengo wa Naibu Rais William Ruto ukiongozwa na Seneta Susan Kihika na ule wa Jubilee ukiongozwa na Mbunge wa Nakuru Magharibi Samuel Arama.

Wandani wa DP Kipchumba Murkomen, Nixon Korir, Gladys Wanga, Johanna Ng'eno na wengine walipiga kambi katika wadi hiyo kumtafutia mgombea wa UDA Wachira Nzuki kura.

Habari Nyingine: Inaniuma sana: Kimani Ngunjiri achapisha ujumbe wa huzuni mtandaoni

Arama na wandani wa handisheki nao nao wanampigia debe mgombea wa Jubilee Francis Njoroge.

Mrengo wa UDA ulikuwa umelalamika kuwa maafisa wa polisi wanatumika kuwatisha wafuasi wao.

Aidha Waziri wa Usalama wa Ndani Fred Matiang'i amejipata kwenye siasa hizo baada ya wandani wa DP kusema ametoa amri mgombea wa Jubilee kusaidiwa kupata ushindi.

Habari Nyingine: Magazeti ya Alhamisi, Machi 4: Ruto kwenye hatari ya kupoteza Weston Hotel

"Waziri Matiang'i na Inspekta wa polisi Hillary Mutyambai wametoa amri kuhakikisha kuwa wafuasi wetu wanatishwa na polisi. Tumeskia OCPD wa Nakuru Magharibi akisema wako na amri kutoka juu kutuhangaisha," alisema Murkomen.

Vigogo hao wa kisiasa ndio walichukua nafasi za kuwa mawakala wa mgombea wa UDA kama njia moja ya kulinda kura zao.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Subscribe to watch new videos

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZYF4gZdmrJygkZzCu7WMpaannJ%2BjeritzZ2Yp6FdrK5usM9mrpqomZyubrfAppmiZZ6WuLa%2B1GairquRoK5ut9SrmGaykWLCpa2NoaumpA%3D%3D

 Share!