Kodakta wa steji moja mtaani Shanzu, Mombasa alishindwa pa kuficha uso baada ya kurushiwa cheche za matusi na kipusa mmoja aliyejaribu kumrushia mistari ya mapenzi hdharani.
Penyenye zinasema kwamba mrembo alikuwa stejini akisubiri gari wakati kondakta huyo alipomkaribia.
Habari Nyingine: Omar Boga: Mgombea wa ODM aliyebwagwa Msambweni apata kazi serikalini
Kulingana na Taifa Leo, mrembo huyo alikuwa amejikwatua kiheshima na wala hamna yeyote ambaye angefahamu umri wake.
Inasemekena kichwani alikuwa amebandika nywele za kisasa na kukifunga kitambaa.
Urembo wake ulimvutia makanga huyo ambaye kwa muda alisahau kazi yake.
“Vipi mrembo. Uko chonjo tu sana,” jamaa alisongelea mrembo na kumwambia ila dada huyo hakumjibu lolote.
Habari Nyingine: Mike Sonko kusafirishwa hadi Afrika Kusini kwa matibabu
Duru zinaarifu kwamba hata hivyo, makanga hakufa moyo kwani aliendelea kurusha mistari huku akiwa na tumaoni heunda akanasa windo.
“Kusema ukweli wewe ni msupuu tu sana. Tangu nianze kazi hii yangu sijawahi kukutana na msichana mrembo na mtamu kama wewe,” barobaro alidai.
Kidosho alianza kuudhika na jamaa huyo naye akaamua kusongea mbali ili kuepukana naye lakini kijogoo alimfuata.
“Madam naomba namba yako. Angalau jioni baada ya kazi nitakuwa nikikuchapia simu tubonge,” makanga alimrai kiousa.
Inasemekana kidosho alisinyia na maneno ya jamaa naye akamlipukia kwa hasira.
“Kijana fanya kazi yako. Achana na mimi,” dada aliwaka lakini lofa akazidi kumpuuza.
Habari Nyingine: Tuhusishwe katika suala la BBI, DP Ruto amwambia Rais Uhuru
“Kusema ukweli urembo wako, mavazi yako na umbo lako vimeninasa moyo. Nipe tu namba tafadahli,” kondaa alimsihi demu.
Semasema zinaarifu kuwa dada aliamua kufokea barobaro bila aibu.
“Huna aibu hata kidogo. Ukiangalia umri wangu na wako unatoshana,” demu aliwaka huku akuondoa kitambaa ambacho alikuwa amekifunga kichwani.
“Niangalie vizuri.Tafuta rika lako,” kondaa alikemewa.
Inasmekena vicheko vilishamiri kwenye stendi na ikawabidi makanga na dereva wake washike njia na kuondoka mara moja .
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdkZYFyg5VmpKilkpbAonnMmqKappeWeqK21K2YZqOlor%2B2v8eimGalmajBor7IZqKiqKWorm60wJ2fmqqRo7ZvtNOmow%3D%3D