- Bikizee mmoja mwenye miaka 98, Madam Esther aliaga dunia katika jimbo la Ogun, Nigeria saa chache baada ya kufahamishwa kuhusu kifo cha mume wake
- Watoto wa Esther walisema hawakushangazwa na tukio hilo kwani wawili hao walikuwa wanapendana sana wakiwa hai
- Mwanao mwenye miaka 70 alisimulia namna wawili hao walikuwa wanapenda sana wakiishi pamoja
Habari Nyingine: Watu 9 waangamia kwenye ajali baada ya lori kugongana na matatu
Wakati mwingine waeza kudhania ni filamu lakini hapana.
Wanandoa wawili kutoka nchini Nigeria ambao wameishi pamoja kwa miaka 72 walikataa kutenganishwa na kifo. Tukio hilo lilitokea katika jimbo la Ogun kaskazini magharibi mwa taifa hilo.
Shirika la habari la News Agency of Nigeria (NAN), linaripoti kuwa Mama Esther, 98, aliaga dunia eneo la Abeokuta, saa chache baada ya kufahamishwa kuhusu kifo cha mume wake, Pa Israel Akojede, ambaye alikuwa na miaka 103.
Ripoti zinadai kuwa tukio hilo lilitokea eneo la Gbonagun Obantoko, Abeokuta na kuongezea kuwa Pa Akojede alikata roho mwendo wa saa tisa asubuhi siku ya Ijumaa, Oktoba 30, huku mke wake mpendwa akikata roho saa chache baadaye kufuatia habari za kifo cha mumewe.
Habari Nyingine: Tottenham vs Brighton: Bao la Gareth Bale lasaidia Spurs kuangusha Seagulls
Kisa hicho kilithibitishwa na Joseph Akojede, 70, ambaye ni kifungua mimba wa familia hiyo.
Joseph alisema japo kisa hicho kitasalia kumbukumbu katika familia hiyo, hawakushangazwa kwani wawili hao walikuwa wanapendana sana wakiwa hai.
Alielezea kuwa: “Kifo chao ni cha kushangaza lakini pia kilikuwa kinatarajiwa. Kile tunafikiria ni huenda walikataa kutengana kwa sababu walipendana sana.Nimekuwa nikiwatazama tangu nikiwa mchanga na ninajua hakuna kinachoweza kuwatenganisha. Walikuwa wanavalia nguo zenye rangi sawa, imani sawa na pia kushauriana"
"Hautawahi kuwasikia wakilalamika huku mama akisema kile mume wake amesema ndio mwisho, hawezi akapinga uamuzi wake.Hiyo ndio ilikuwa mapenzi yao pamoja.Baba alikufa mapema asubuhi na wakati tulikuwa makini kumfahamisha mke wake habari hizo, tayari alikuwa amejua na kufa saa chache baadaye."
Habari Nyingine: Jamaa akamatwa kwa 'kusumbua' maiti makafani
Familia hiyo ilisema itatangaza hafla yao ya mazishi hivi karibuni.Wanandoa hao wamewacha nyuma watoto, wajukuu na vitukuu.
Katika taarifa tofauti, TUKO.co.ke iliripotia kuhusu wanandoa walioishi pamoja kwa miaka 64 na ambao waliaga dunia pamoja usiku wa kuamkia Sikukuu ya Krisimasi wakiwa wameshikana mikono.
Bill Schafrath aliaga dunia mwendo wa saa saba asubuhi huku mke wake Nancy Schafrath akifariki saa tano asubuhi.
Bill, ambaye alikuwa na miaka 88, naye Nancy, 85, waliaga dunia katika Brookdale Senior Living mjini Wooster, Ohio, ambapo wamekuwa wakiishi pamoja.
Mpwa wa wawili hao, Pat Cornelius, alisema vitanda vyao vilisongeshwa pamoja kwa sababu Bill alishindwa kuamka tena,
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjbYV1fZZmpKSdXZauqK2MnaynoZFiwKKtjJyfmpuYmnqjrcCdmGaxkWK4trLAoZimoaOdxKJ5yq6frqulYriqss5mmqGZXaLCrrHWnmWhrJ2h