- Gavana wa Elgeyo Marakwet Alex Tolgos ametangaza msimamo wake kuhusu siasa za 2022
- Anasema hotomuunga mkono Naibu Rais William Ruto anayewania nafasi ya kumrithi Rais Uhuru na kuingia Ikulu
- Kulingana na Tolgos siasa za mapema za uchaguzi mkuu ujao hazifai kwa sasa na badala yake Jubilee inafaa kutekeleza ahadi zake kwa Wakenya ilizoahidi 2017
- Tolgos amepewa jukumu na Kenyatta kupanga mikutano ya BBI eneo la Bonde la Ufa na ni rafiki wa karibu wa Seneta wa Baringo Gideon Moi
Wakati siasa za uchaguzi mkuu ujao zikipigwa kila pembe ya nchi hasa na viongozi wa kundi la Tangatanga wanaoegemea mrengo wa Naibu Rais William Ruto zikiendelea, viongozi mbalimbali wanatangaza misimamo yao.
Habari Nyingine: BBI yatua Mombasa huku usalama ukiimarishwa, Kieleweke na Tangatanga wahudhuria
Ingawa naibu rais kwa muda refu alikuwa na uhakika wa kumrithi Rais Uhuru Kenyatta mwaka wa 2022, lakini katika siku za karibuni mambo yameonekana kumbadilikia.
Gavana wa Elgeyo Marakwet Alex Tolgos ni wa punde kutangaza msimamo wake kuhusiana na safari ya Ruto kuingia Ikulu.
Tolgos, amesema kwamba hatamuunga mkono naibu rais kama baadhi ya viongozi katika Bonde la Ufa ambao wametangaza kuwa watakuwa nyuma yake.
Habari Nyingine: DP Ruto aibua masuali kukosa kuhudhuria BBI Mombasa licha ya uwepo wa wandani wake
Hatua ya gavana huyo ambaye amepewa jukumu la kupanga mikutano ya BBI eneo la Bonde la Ufa huenda ikazidisha zaidi juhudi zinazoendelea za kulemaza safari ya Ruto kuingia Ikulu mara uchaguzi mkuu utakapoandaliwa.
Kulingana na Tolgos siasa za mapema za uchaguzi mkuu ujao hazifai kwa sasa na kinachofaa kuzungumziwa na wanasiasa katika serikali ya Jubilee ni utekelezaji wa ahadi ilizotoa kwa wananchi.
Habari Nyingine: Mume anayeaminiwa ndiye aliyechafua kitanda cha Sam Shollei na kumtorosha mke wake aibuka
"Hatufai kufanya siasa kwa sasa sababu kuna mengi ambayo serikali ya Jubilee iliahidi Wakenya ingetekeleza lakini haijatekeleza," Tolgos alisema.
"Huu sio wa wakati wa kuuza maazimio ambayo hayajakomaa ya kupata uongozi" aliongeze.
Gavana Tolgos ni rafiki wa karibu sana na Seneta wa Baringo Gideon Moi na kulingana naye urafiki huo haufai kuwapa watu wasiwasi kwa sababu hausu siasa za uchaguzi mkuu ujao.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjaIN4hZBmqqKsn6DCtrrGmmSmo5%2BjvG60wK2YZqOZmbyou4xrZ2tqXZyut63NmmStp5ycvLR5wKaumqWSnq5usM9mqa6sn2O1tbnL