- Nanok alisema Raila ni mtu ambaye huwazawadi viongozi wa Nyanza pekee
- Alisema tangu handshake ifanywe, ni Mbadi, Orengo na Junet wamefaidika
- Vile vile alimlaumu Raila akisema aliagiza atimuliwe kutoka wadhifa wake ndani ya ODM
Gavana wa Turkana Josephat Nanok Ijumaa, Agosti 16, alimkabili kiongozi wa ODM Raila Odinga kwa maneno makali walipokutana kwenye sherehe za jamii ya Waturkana.
Nanok alimwambia Raila kuwa, licha ya jamii ya Waturkana haswa kwenye kaunti hiyo, kumuunga mkono asilimia mia kwa mia kwenye uchaguzi wa urais wa 2017, aliisahau alipoingia kwenye serikali kupitia kwa makubaliano yake na Rais Uhuru Kenyatta, maarufu kama handshake.
Habari Nyingine: Abiria 233 waponea chupuchupu baada ya ndege kupata hitilafu angani
Aidha Nanok alimwambia Raila kuwa wale ambao wanafaidika na 'handshake' ni wandani wake kutoka eneo la Nyanza pekee.
"Watu wa Turkana walipigia kura chama cha ODM karibu kila mtu lakini sasa wamesahaulika kwenye matunda ya handshake. Makubaliano ya handshake yamewafaidi tu Mbadi, Orengo, Junet na watu wa Nyanza na wengine wa eneo la Magharibi," Nanoka alisema.Habri Nyingine: Sonko atishia kuwaanika wanasiasa kwenye magazeti
Nanok pia alimlaumu Raila akidai kuwa ni yeye aliagiza atimuliwe kutoka uongozi wa chama cha ODM ambapo alikuwa akishikilia wadhifa wa naibu mwenyekiti.
Gavana huyo pia aliteta kuwa seriklai ina njama ya kuwanyima wakazi wa Turkana mgao kutokana na mauzo ya mafuta yaliyochimbwa eneo hilo.
"Lazima ieleweke kuwa mimi kama gavana sitakubali watu wetu kunyanyaswa, ni lazima waheshimiwe. Waturkana wanajua haki zao, sisi ndio tunatoa mafuta hapa na madini mengine. Na kama wenye eneo hili, tuna haki ya asilimia 25 ya mauzo hayo na hilo lazima litekelezwe," alisema.
Wakati wa Raila kuzungumza ulipofika, alipuuzilia mbali madai ya Nanok kuwa alifukuzwa chamani akisema kuwa ni yeye aliamua kuvuka hadi upande mwingine wa kisiasa.
"Nanok bado ni rafiki yangu na ni yeye alisema kuwa anahama mpaka upande ule mwingine kwa ajili ya maendeleo ya watu wake. Milango ya ODM iko wazi iwapo anataka kurudi," Raila alisema.READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjZoByfZFmnpqukaOubrrAp6akZZGiwba8yJpkq5mZoa5uucCnnKenXaKurK3LomSmmpWhsm7FwGaspqWRY7W1ucs%3D