-Mmiliki wa jumba hilo liliporomoka alijiwasilisha kwa polisi baada ya habari kuchipuka kuwa alikuwa akisakwa na polisi
-Kulingana na DCI, mmiliki huyo alipigwa na butwaa alipogundua kuwa jumba lake liliporomoka
-Mhandisi aliyekuwa wakati jumba lenyewe lilipoporomoka pia alikamatwa
-Mhandisi wa jumla pia alikamatwa na kupatikana na nyaraka ghushi
Polisi mjini Malindi Jumatatu, Oktoba 29 walimkamata na kumhoji mmiliki wa jumba la ghorofa nane lililoporomoka Ijumaa, Oktoba 26 na kumwangamiza mtu mmoja.
Shabir Ali Fakurdhin anayemiliki kipande cha ardhi na jumba husika aliyetoweka baada ya jumba hilo kuporomoka saa 11 asubuhi alihojiwa na maafisa wa ofisi ya mkurugenzi wa uchunguzi wa makosa ya jinai (DCI) kuhusu kuporomoka kwa jumba hilo.
Tuma neno ‘NEWS’ kwa 40227 ili kupata habari muhimu pindi zinapochipuka
Habari Nyingine: Wakwe za Rais Uhuru walikuwa wapinzani wakuu wa babake Raila Odinga
Habari Nyingine: Video ya kamanda wa jeshi akiwaadhibu wanajeshi kwa mjeledi yazua ghadhabu
Akizungumza na wanahabari, mkurugenzi wa DCI Antony Sunguti alisema kuwa Shabir alijiwasilisha kwa maafisa wa DCI baada ya juhudi za kumkamata kuanza.
“Tunajua kuwa mkasa ulifanyika Ijumaa, Oktoba 26 ambapo jumba la ghorofa nane liliporomoka mjini Malindi na kumuua mtu mmoja. Tunamtafuta mmiliki wa jumba hilo na kwa bahati nzuri amejiwasilisha kwa DCI kuhojiwa,” Sunguti alisema.
Sunguti aliongeza kuwa Shabir aliandikisha taarifa pamoja na mhandisi mmoja wa ujenzi huo aliyekuwa kazini wakati wa tukio hilo ambaye atawasilishwa mahakamani siku ya Jumatano, Oktoba 31.
Habari Nyingine: Jacque Maribe amtaja Mike Sonko katika kesi ya mauaji ya Monica Kimani
Alisema kuwa mmiliki wa jumba hilo alishtuka alipopata habari kuwa jumba lake liliporomoka na kumuua mtu mmoja na akaenda mafichoni na simu yake kuzimwa.
DCI ilisema kuwa wameanza kukusanya sampuli kwenye eneo la tukio kwa uchunguzi zaidi kwenye maabara ya kitaifa kubaini ikiwa mchanga na changarawe iliyotumika zilikuwa zimechanganywa kwa viwango vinavyostahili.
Habari Nyingine: Picha ya jumba la Gavana Obado alilokosa kwa siku 30
Sunguti alisema kuwa Daniel Weskula Mhongwe ambaye alikuwa mhandisi mkuu kwenye mradi huo alikamatwa kwa kuwa na nyaraka ghushi na hakuwasilisha habari za ukweli alipohojiwa na maafisa wa DCI.
Alifikishwa mahakamani na DCI kupewa siku 21 kukamilisha ukusanyaji wa ushahidi dhidi yake.
Habari Nyingine: Mavazi ya walinzi wa pasta mrembo, Lucy Natasha, yawashangaza Wakenya
Maafisa wa jeshi la Kenya (KDF) na wale wa taasisi zingine walianza shughuli za uokoaji Jumamosi, Oktoba 27 na wanatarajiwa kumaliza shughuli hiyo Jumane, Oktoba 30.
Sunguti alionya kuwa wanakandarasi wanaotumia nyaraka ghushi kuendeleza miradi ya ujenzi watabeba mzigo wa adhabu ikiwa tukio kama hilo litafanyika.
Taarifa ya Onesmus Barasa – Ripota wa TUKO
Read ENGLISH VERSION
Una taarifa motomoto au sakata ambayo ungependa tuichapishe? Wasiliana nasi kwa news@tuko.co.ke, mwangi.muraguri@tuko.co.ke , kwenye WhatsApp: 0732482690 na kwenye Telegram: Tuko News
Maisha ya kusikitisha ya familia ya marehemu Dedan Kimathi iliyosahaulika | TUKO TV
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2Bvzmeinmdibn10fZNmpKahnJ64qnnWmmSjrZ2Xrm64yKWgpaegpL%2Bwuc6kmGalkaG2r7DIZqWaZZuquritzaCYpqGqlnquwNRmaGaZm5a6osDWmmWhrJ2h